Emisari special i Bashkimit Evropian për dialogun Kosovë- Serbi, Miroslav Lajçak, ka paralajmëruar diskutime strategjike me partnerët amerikanë, për të diskutuar situatën në veri të Kosovës.

Ai, në faqen e tij zyrtare në Facebook shkruan se me këtë rast do të përcaktohen hapat e ardhshëm të dialogut Kosovë-Serbi, raporton Arbresh.info.

I dërguaari special i Bashkimit Evropian për dialogun Kosovë- Serbi, shkruan se priste rezultat më të mirë nga takimi mes kryeministrit të Kosovës, Albin Kurti dhe presidentit të Serbisë, Aleksandar Vuçiq, që u mbajt më 14 shtator në Bruksel.Lajçak i është drejtuar ambasadorëve dhe shteteve anëtare të Bashkimit Evropian.

“Unë jam mirënjohës për interesimin e tyre në dialog dhe për mbështetjen e tyre të fortë. U takova gjithashtu me Drejtorin e Çështjeve Politike dhe Marrëdhënieve me Jashtë të Këshillit të Evropës, Miroslav Papa, të cilin e informova për Dialogun. Vlerësoj shkëmbimin interesant për zhvillimet në Këshillin e Evropës dhe konfirmimin e bashkëpunimit tonë të vazhdueshëm në promovimin e standardeve evropiane në Ballkanin Perëndimor”, shkruan Lajçak./Arbresh.info/